I Love Him

At the begining ....ihave to say

no idont know what can i say......

but no .. i know what i want to say!

i will say it now

*I LOVE HIM * soooooooooooooooooooooooooooooo MACH

i dont know what can i say to you my sweety , but realy ilove you so so mach & i can't go on without you , idon't know how it'll come! but realy i'm fill in love with you ,thats let me can't explean my feeling

and i know that i'll can't explean it in my blog until the blog let me write in arabic :)

because my felling it will not explean without arabic words.

ilove you & i will steel love you untill i die ...& olso after die.

*dont't forget me*

what's wrong with blogger?

howa el blog maloh ya gama3a mesh 3arfa akteb 3araby khales!

yala ma3lesh

rabana ysahel we el mara el gaya ekteb

3alashan ana 3ayza a2olokom hagat keter mesh haenfa3 ahesaha ele we ana bakteb bel3araby

bye.

جزار البحيرة يستكمل مشاريع" الاعدام الجماعي" في الاسكندرية

هي دي عشش المفرورة ودة باة مصدر المياة الوحيد هناك

اه ...في الاسكندرية "عروس البحر الابيض".. بالصلاتو ع النبي

اه والله... هو دة اللي بيحصل في القباري اليومين دول في منطقة اسمها جبل المفروزة, اهالي المفروزة كانوا قاعدين في بيوتهم كافيين خيرهم شرهم .. وفجأة جم العساكر "كلاب الدولة"يطردوهم من بيتهم عشان - آل ايه - سيادة المحافظ عايز يوسع رصيف الميناء شويتين, اصله مش عاجبه كدة , فلازم طبعا الشعب يخضع لاللي فيه مصلحة البلد.
المهم ان الكلاب طردوا الناس منهم من قدر يتحفظ على حاجة يثبت بيها ملكيته للشقة ومنهم من قدر ياخد شوية من حاجته ومنهم اللي ماقدرش ياخد دة ولا دة ... لانه كان في الشغل او كانت مع بنتها في المستشفى ورجعوا لقوا بيوتهم مهدودة.
الناس ما كان عليها الا انها عملت عشش بالمشمع جنب حطام بيوتهم.. واللي يموت من الرطوبة واللي يجيلوا امراض من قلة النظافة وامتناع المياة والنور ومعظمهم اطفال ... الناس بتقول" احنا عندنا بنات في سن 19 و20 وخايفين عليهم من الناس المبرشمة اللي بيفتحوا علينا العشش بليل واحنا نايمين... احنا ما بنامش" , وست تانية بتقول " انا كان عندي بيتي الملك من اربع ادوار... في يوم وليلة ابقى في الشارع؟ , يرضي مين دة ؟ , انا منيوم ما وعيت على الدنيا وانا هنا "....
الناس كان المفروض هتاخد مساكن تانية, بس فين يا ترى ؟... تفتكروا فين؟؟؟؟؟
وها هي المفاجأة" مدينة مبارك....يعني عبد القادر ...يعني البترو كيماويات ... يعني الامراض كلها... وسمعني احلى سلام مربع", شيء جميل طبعا هو الريس هيفضى لايه ولا لايه.. الشعب يمشي نفسه باي حاجة .
عبد القادر دي باة عبارة عن بيوت مكسرة لو هفيت فيها تقع, يا ناس دي أسلاك الكهربا بتنزل مية!... يا غلبي

اما دي فشقة الست دي في مساكن عبد القادر وواضح فيها تنشيع المية

فيه مشكلة

فيه مشكلة .. غريبة ..يعني هي مش غريبة قوي .. بس غريبة بالنسبة لي
الموضوع اصله يتعلقبالمشاعر

وبما انه بيتعلق بشيء مثل ذلك اللعين.. اذا الوضع هيكون "منيل جدا جدا جدا".. وربنا يستر

اصل الوضع مش مفهوم .. يعني مش مركز !.. يعني

ايه اللعبكة دي ؟ بلا قرف

طز كبيرة قوي

سبحان الله

بجد سبحان الله... بسدة يخلينا نفكر شوية في نظرية دارون العلمية اللي بتقولان الانسان أصله منسلالةالغوريلاوالقردة

وان تلاشي الذيل دة جة عن طريق اجتهاد الحيوان في استخدامعقله والحصول على الطعام

لان- على حسب النظرية - الاول البني ادم كان قرد بيقوم بجمع الطعام من الارض وكان بيمشي على أربع

وبعدين لما كان عايز يحيبالثمار من الشجرة كان بيقفز عليها وبعدين بدا يعمل زي الغوريلا ويتلقى الثمار من اعلى بيديه ... فكان كل ما بيعلي ايديه لالتقاط الثماربيبتدي الذيل يتقلصنموه من جيل لجيل حت وصل انه مابقاش فيه ذيل اصلا.

وبكدة النظرية بتقول ان تطور البني ادم من قرد وغوريلا الى انسان أتى عن طريق تشغيل العقل

.

واللي بنشوفه في الصور دي يؤكد النظرية دي

الطفل دة في اندونيسيا... أول ما اتولد كان فيه شيء زائد من فقرات الظهر باينة منهكذيل الفار

ولما كبر كبرت معاه

ولما قرروا الدكاترة يشيلوه ماقدروش لأن -سبحان الله - العظم اللي في الذيل أقوى من اللي في الجسم كله لدرجة الصلابة وماقدروش يستأصلوه....... بجد سبحان الله

ما تزعلش يا ناجي

والله انا ماعارفة ابدا اقول ايه
الناس خلاص ما بقاش عندها ادنى درجة من الضمير..."مش كلهم طبعا يعني"....بس دي حاجة ما بقاش يتسكت عليها
بقى حد زي ناجي العلي ... عارفين بقول مين؟
ناجي العلي ... الفنان اللي عاش واتربى في ظل الحرب وعاش الانتفاضة وقضى طول عمره يدافع عن الحرية ويقول الحق ولو على رقبته لحد ما أغتيل بسبب رسوماته
الفنان اللي ما كانش في حاجة في الدنيا دي بحالها تهزه
بعد ما مات قال ايه بدل ما الجيل يتعلم منه وياخد منه روح المقاومة والجدعنة
نلاقي ناس سبحان الله ..... تاخد شغله وترسمه بايدها وتمضي تحت باسمها
وتبقى الرسمة بقدرة قادر بتاعتها
ناس عظيمة فعلا ... ومحاولة كريمة لتخليد ذكرى فنان زي دة .....وللأسف دي زميلة ليه في الجرنال بتعتبر نفسها رسامة كاريكاتير
حسبي الله ونعم الوكيل
معلش يا ناجي دة اللي قدرت اني اعمله عشان ادافع عنك
وبتمنى انك تسامحنا
ماتزعلش مننا يا ناجي

فتاكة الرئيس

صرح الرئيس مبارك من يومين عن قراره " الحكيم "بالغاء عقوبة الحبس للصحفيين " في قضايا الذمة المالية"فقط

وهذا ما اسعد الكثيرين من صحفيين الحكومة " خدامين السرايا".... وهو ما اثار اكثر مجموعة الصحفين المحترمين الذين كانوا ولا زالوا يطالبون بزوال " الاستعمار الفكري " الواقع على الاعلام المصري عموما

لكن تعاولوا نفكر مع بعض ... ليه الريس عمل الافتكاسة دي ؟

ممكن تكون الاجابة هي ان" سعادته"عايز يكسب جموع معينة من الصحفيين ... بس ليه ماهو اصلا اللي هيفرحوا بالقرار دة معاه من اولها لاخرها؟

طب بلاش دي ... ممكن نقول انه عايز يكسب جزء من الشعب اللي دايما بيسمعوا الناس وهي بتقول عليه " كلام جارح".. اخص عليهم

وممكن كمان يكون عايز يبان قدام الدول انه بيقوم بعمل الاصلاح اهه.. بس لازم يجي" واحدة واحدة"... واهو شغال فيه اهه

المهم ... عايز يقول كدة لاو كدة ...

نحب احنا بقى نقوله

فاقسينك يا ريس

هو الحجاب مزعلكم في ايه؟

أنا عايزة أفهم

هو الحجاب بس مزعلكم في ايه؟

مع كل احترامي للاستاذ الكبير محمود الزهيري ... ولكنه كتب في الموقع الالكتروني للحوار المتمدن مقال عنوانه هل الحجاب هو الحل ؟

يا استاذي الفاضل المسألة زي ما انت كتبت مالهاش دعوة بالحجاب خالص...بس ليه دايما حاطين البنات المحجبات على راسنا"وزاعقين"؟

وأنا رأي الشخصي ان مش اي واحدة محجبة تستحق اللقب دة... ومش اي واحدة مش محجبة تستحق انها تتهم من الناس انها مش متدينة ولا ملتزمة

دي مسألة شخصية جدا ... وما هي الا علاقة بين الفرد وربه

وماحدش له انه يتدخل فيها أبدا

والاستاذ محمود عنده حق في ان الدنيا مش هتتحل بان الناس تتحجب او لأ

وعنده حق كمان في ان المنقبات بيكفروا المختمرات والمختمرات بيكفروا المحجبات ... بس دة مش في العموم

ودة اللي انا مختلفة معاه في كمان

ان مش كل الناس كدة ومافيش حاجة في الدنيا دي مطلقة

وفي نماذج من الناس دي بتكون محترمة جدا

المهم ... واللي عايزة أقوله

ريحوا دماغكم شوية من اللي لبسة حجاب واللي قلعته

لان مش دي القضية ولا دة المقياس

ومش خلاص الدنيا كلها حلوة وناقصة على المناقشة في الحجاب

www.rezgar.com

رفعنا لك القبعة

آلاء

آلاء التي أعطت الينا الامل في التغيير

فعلا آلاء ادتنا الامل في تغيير عقول الشباب المصري حتى اللي لسة ما شفوش الدنيا على حقيقتها

بس آلاء شافتها

آلاء اتصرفت بمنتهى البراءة والاحسلاس بالمسئولية.... وأدركت ان حماية الوطن دي مش مسئولية ناس معينة وخلاص....لأ دي مسئوليتنا كلنا

الصغير فينا قبل الكبير

مش عارفة أقول كلام تاني أكتر من اللي قاله فيها الاستاذ الكبير محمود الزهيري في الحوار المتمدن... بس كل اللي أقدر أقوله

رفعنا لك جميعا القبعة